vo mirā vahm
ki jhoñkā sā koī sabz-qabā thā
vahī ma.amūl-e-shab-o-roz
ki bedād hī bedād hai
vo tane TuuT rahe haiñ
jo qadam the jo bharam the
yahī āsār fazāoñ ke khule-pan se mozāhim
jo guzargāh meñ sailāb kī hote
ye mirā vahm shagūnī mirī zanjīr
koī añdhkār utar aa.e jo pāyāb gumānoñ meñ
vo kahāñ phir bhī magar lahr tale lahr kī ta.amīr
ki de jis pe jigar-e-tishna-tamannā bhī gavāhī
koī hiire kī kanī sī ki hai tīnat meñ sirishta
kabhī āvāz kī lau ban ga.ī
koī buuTā jo khaḌā hai
to yahī kaam hai us kā
jo ḳhalāoñ kā aqab hai
vo ḳhalā kab hai ḳhalā kab
to jigar-soḳhtgān-e-do-jahāñ
kaun hai phir khoj meñ sargarm
gher ke laa.e ga.e tum
yā vo nazar manzilat-ārā nazar sāhab-e-kausar hai
jise dekhā
vo ishārā sā ki haañ jauf-e-adam