baras bhar kī ḳhushī ke ham ne kuchh naqshe banā.e the

bhare the un meñ kaise kaise dil-kash rañg

kahāñ se yak-ba-yak barse ye patthar

ki ḳhvāboñ kī har ik khiḌkī ke shīshe chuur kar Daale

kahāñ se tezī-o-tundī bharī ye sho.alagī aa.ī

ki jis ne aarzū o shauq kī zanjīr pighlā.ī

abhī āzādi-e-jism-o-dil-o-jāñ kā tarāna ham ne chheḌā thā

abhī kas ne tumhāre dil pe phir phūñkā vahī mantar