dodge ke naam se jānāñ tujhe ulfat hī sahī
dodge hotel se tujhe ḳhaas aqīdat hī sahī
qais o lailā bhī to karte the mohabbat lekin
ishq-bāzī ke liye dasht ko apnāte the
kaash is marmarīñ hotel ke baḌe matbaḳh meñ
tū ne pakte hue khānoñ ko to dekhā hotā
jānāñ! rozāna tire lunch kā bil kaise duuñ
maiñ koī seTh nahīñ koī smuggler bhī nahīñ
ghaag baire ne dikhā kar baḌā mahñgā menu
ham ġharīboñ kī mohabbat kā uḌāyā hai mazāq