kaam jo rishvat se ban jaa.e banānā chāhiye
chor-bāzārī meñ kaalā dhan kamānā chāhiye
chāval aur gandum na kuchh faulād paidā kījiye
nisf darjan kam se kam aulād paidā kījiye
maañg hai stereo kī aur v-c-r kī
ḳhair ho ab audio video ke kārobār kī
rickshaw o taxy kā meter tez honā chāhiye
nursery kā master añgrez honā chāhiye
jī meñ jo aa.e kiye jaao ki tum āzād ho
motareñ tezī se dauḌāo ki tum āzād ho
aaj is andāz ko yaksar badalnā hai hameñ
ham bahut bigḌe haiñ lekin ab sañvarnā hai hameñ