log kyuuñ DhūñDeñ ḳhudā.ī mujh meñ
aadmī huuñ maiñ farishta to nahīñ
maiñ machaltā huuñ gharoñdoñ ke liye
ūñchī nīchī sī pasandoñ ke liye
jaanā an-jānā safar hai apnā
chand ḳhvāboñ kā nagar hai apnā
koī DhūñDe kyuuñ burā.ī mujh meñ
aadmī huuñ maiñ farishta to nahīñ
pairoñ meñ paḌtīñ kabhī zanjīreñ
phir kabhī tūfāñ baneñ tadbīreñ
TuuT jaatā huuñ kabhī do pal meñ
huuñ maiñ chaTTān kabhī mushkil meñ
koī DhūñDe kyuuñ safā.ī mujh meñ
aadmī huuñ maiñ farishta to nahīñ