har baar mere sāmne aatī rahī ho tum
har baar tum se mil ke bichhaḌtā rahā huuñ maiñ
tum jis zamīn par ho maiñ us kā ḳhudā nahīñ
pas sar-ba-sar aziyyat o āzār hī raho
maiñ ibtidā-e-ishq se be-mehr hī rahā
tum intihā-e-ishq kā me.aar hī raho
maiñ ne ye kab kahā thā mohabbat meñ hai najāt
maiñ ne ye kab kahā thā vafādār hī raho
jab maiñ tumheñ nashāt-e-mohabbat na de sakā
ġham meñ kabhī sukūn-e-rifāqat na de sakā