kisī tasvīr meñ rañgoñ se ubhāre na ga.e
tere chehre ke dil-āvez gulābī haale
terī nau-ḳhez javānī ke kuñvāre motī
jagmagāte rahe vijdān ke ā.īne meñ
terī ḳhushbū se mahakne lagā gulshan gulshan
Dāliyāñ phūloñ kī jhuk kar tujhe kahtī haiñ salām
ye tirā paikar-e-sad-rañg ye āhañg-e-jamāl
dekh kar tujh ko ḳhayāl aate haiñ kaise kaise
terī sūrat tirī ma.asūm o muqaddas sūrat
merī har soch ke ā.īne meñ lahrātī hai