qābil-e-dīd hai mashshātgī-e-fasl-e-bahār
zulf-e-sumbul meñ nayā husn nazar aatā hai
dekh kar surḳhī-e-ruḳhsār-e-gulistāñ gulchīñ
apne dastūr meñ tarmīm kiye jaatā hai
zer-e-tartīb hai ā.in-e-chaman-ārā.ī
ye haqīqat hai ki takmīl abhī baaqī hai
bāġhbānī abhī lazzat-kash-e-gul-chīnī hai
dekh kar dast-e-havas phuul laraz jaate haiñ
yahī tārīḳh-e-chaman hai yahī tārīḳh-e-bahār
pahle do chaar hī phūloñ pe nikhār aatā hai