tumhārī āñkheñ sharārtī haiñ
tum apne pīchhe chhupe hue ho
lahū ko sho.ala-ba-dast kar deñ
ye pattharoñ ko bhī mast kar deñ
kabhī gulābī kabhī sunahrī
samundaroñ se ziyāda gahrī
hayā bhī hai un meñ shoḳhiyāñ bhī
ye raaz bhī apnī tarjumāñ bhī
vo kho gayā ye milī haiñ jis ko
ye jītnā chāhtī hai jis ko
kashish kā vo dā.era banā.eñ
havās jis se nikal na paa.eñ
ajab hai anjān-pan bhī un kā
maiñ un kā aur merā fan bhī un kā