Syeda Farhat

maulana mohammad ali jauhar

Syeda Farhat

Bhopal, Madhya Pradesh, India

1938-2003
mujāhidīn-e-vatan meñ shumār un kā hai
har ek qaul-o-amal yādgār un kā hai
hai yaad qaum ko vo dāstāñ shujā.at kī
chalā.ī aap ne tahrīk jab ḳhilāfat kī
vo hurriyat kā parastār qaum kā rahbar
ḳhudā ne qaum ko aisā atā kiyā jauhar
vo qaid-o-band kī jhelī haiñ saḳhtiyāñ jis ne
uḌā.īñ jabr-o-ġhulāmī kī dhajjiyāñ jis ne
vo ahl-e-dard-o-suḳhnavar vo be-misāl ḳhatīb
siyāsiyāt kā māhir sahāfī aur adiib
mohammad aur alī kā hai faiz-e-rūhānī
ki un kā naam jahāñ meñ rahegā lā-fānī
Top Urdushayar.com