bahut se log mujh meñ mar chuke haiñ....
kisī kī maut ko vaaq.e hue baara baras biite
kisī kī hādsātī maut achānak be-zamīrī kā natīja thī
bahut se dab ga.e malbe meñ dīvār-e-anā ke aap hī apnī
kuchh aaise bhī ki jin ko zinda rakhnā chāhā maiñ ne apnī palkoñ par
magar ḳhud ko jinhoñ ne merī nazroñ se girā kar ḳhud-kushī kar lī
gharoñ meñ daftaroñ meñ mahfiloñ meñ rāstoñ par
kitne qabristān qaa.em haiñ