thakā-hārā azal kī vus.atoñ meñ ḳhaak kā putlā

hazāroñ man kī tārīkī tale thā sākit-o-jāmid

ghaḌī meñ kyā huā kyuuñ is qadar miTTī ke paikar ne

ajab larza, ajab jumbish, ajab harakat se bal khāyā

kisī sayyāl mādde kā bahut shaffāf sā qatra

girā aur khub gayā, is ḳhaak ke be-laus TukḌe par

phir ik āvāz! shāyad thā sadā-e-kun se ġhul barpā

usī sayyāl mādde se banā ik jazba-e-sozāñ

mohabbat kī rutūbat ne talātum-ḳhez gardish kī

surūd-e-himmat-e-ālī usī mizrāb se phūTā

usī jauhar kī jumbish se to ġhairat sar uThātī hai

sitam ke zahr kā tiryāq āḳhir ''sāñch'' bantā hai