ab mammy daddy kahte haiñ cultured hamārī beTī hai

pahlī bhī club meñ jaatī thī ye third hamārī beTī hai

bāhar ye chāhe jaisī ho ghar meñ to adab se aatī hai

jab aadhī raat guzar jaa.e parvīn club se aatī hai

din bhar ye ghar meñ sotī hai saḌkoñ pe shaam se bhāgtī hai

āzād tabī.at aisī hai shādī ke naam se bhāgtī hai

parfum dubai se aatā hai tasbīh arab se aatī hai

jab aadhī raat guzar jaa.e parvīn club se aatī hai

ye pal meñ toffē hotī hai pal meñ sābun ho jaatī hai

kuchh aql se jab us kā rabt nahīñ hai vo nāḳhun ho jaatī hai

jab us ko nashsha chaḌhtā hai ghar meñ ye ġhazab sī aatī hai

jab aadhī raat guzar jaa.e parvīn club se aatī hai

yā america meñ bastī hai yā phir jāpān meñ rahtī hai

ye ḳhvāboñ kī shahzādī hai har vaqt uḌaan meñ rahtī hai

ik hashr bapā hotā hai jab paanī ke tub se aatī hai

jab aadhī raat guzar jaa.e parvīn club se aatī hai

parvīn ke ġhusl kā laḌke bhī chhup chhup ke nazāra karte haiñ

vo swimming pool ke sat.h-e-āb pe kañkar maarā karte haiñ

sab apnī mohabbat vāpas lo āvāz ye rab se aatī hai

jab aadhī raat guzar jaa.e parvīn club se aatī hai