kuchh aaise haiñ jo zindagī ko mah-o-sāl se nāpte haiñ
gosht se saag se daal se nāpte haiñ
ye lamha jo guzrā mire ḳhuun kī us meñ surḳhī milī hai?
mire āñsuoñ kā namak is kī lazzat meñ shāmil huā hai?
meñ kab se zamīñ par zamīñ kī tarah chal rahā huuñ
ye dīvāna andhā safar kab kahāñ jā ke chhoḌegā mujh ko?
maiñ bikhrā huā aadmī huuñ
mirī zehnī bīmāriyoñ kā sabab ye zamīñ hai
ḳhudā ek hai yuuñ to vāvian meñ saaf likkhā huā hai
magar zer-e-vāvain bhī chhoTī chhoTī bahut taḳhtiyāñ haiñ
havan ho rahe haiñ
yag ke mantroñ kī sadā