titliyāñ nāchtī haiñ
phuul se phuul pe yuuñ jaatī haiñ
dhuup meñ tezī nahīñ
aise aatā hai har ik jhoñkā havā kā jaise
ik parinda kisī ik peḌ kī Tahnī pe chahaktā hai kahīñ
ek gaatā huā yuuñ jaatā hai dhartī se falak kī jānib
maah o saal aate, chale jaate haiñ
fasl pak jaatī hai, kaT jaatī hai
bhiiḌ hai bachchoñ kī chhoTī sī galī meñ dekho
ek ne geñd jo pheñkī to lagī aa ke mujhe
titliyāñ nāchtī haiñ
phuul se phuul pe yuuñ jaatī haiñ