ek shoḳhī-bharī doshīza-e-billor-jamāl
jis ke hoñToñ pe hai kaliyoñ ke tabassum kā nikhār
mast āñkhoñ se barastā hai subūhī kā ḳhumār
phuul se jism pe hai shabnamī zartār libās
naġhme guuñj uTThe haiñ pāzeb kī jhankār ke saath
nuqra.ī uñgliyāñ āfāq pe lahrātī haiñ
dil ko barmātā hai us shoḳh kā bharpūr shabāb
us kī garmī mirī sāñsoñ se koī duur nahīñ
muzmahil chehre kī zardī meñ hai ruḳhsat kā payām
surmagīñ āñkhoñ pe jhukne ko haiñ lambī palkeñ
sar jhukā.e hue muñh pher ke ḳhāmoshī se
duur maġhrib ke dhuñdlakoñ meñ chalī jaatī hai