vaqt kātib hai to mistar chehre
jab se tahrīr-shanāsī mirī taqdīr huī
aur imroz kā ā.īna ye kahtā hai ki dekh
ādmī-zāde tirī umar kī shaam aa pahuñchī
lafz zanjīr huā
ḳhauf-e-darbāñ hai tazabzub zindāñ
zindagī jabr-e-musalsal ke sabab
sar-nigūñ sāyoñ kā sahrā-e-sukūt
vo bhī the jo inhīñ dushvār guzargāhoñ se
mish.al-e-harf liye parcham-e-himmat thāme
maiñ yahāñ sard salāḳhoñ se lagā taktā huuñ
is bayābāñ meñ bhī kuchh ḳhvāboñ ke rasiyā chehre
Dar rahā huuñ ki agar jaañ se na guzre
to tazabzub ke siyah zindāñ meñ