havādisāt zarūrī haiñ zindagī ke liye
ki moḌ hote haiñ har raah har galī ke liye
na koī mere liye hai na maiñ kisī ke liye
bas ek lafz-e-nadāmat huuñ zindagī ke liye
vo titliyoñ kī tarah mujh se aur duur huā
baḌhāyā jis kī taraf haath dostī ke liye
ye uzv uzv mirā pyaas se sulagtā hai
mujhe lahū kī zarūrat hai tishnagī ke liye
ab is se baḌh ke mirā imtihān kyā hogā
maiñ zahr pī ke jiyā huuñ tirī ḳhushī ke liye
jo ho sake to ḳhud ashkoñ ko poñchh lo 'ibrat'
kisī ke paas kahāñ vaqt dil-dahī ke liye