Ibrat Machlishahri

hawadisat zaruri hain zindagi ke liye

Ibrat Machlishahri

havādisāt zarūrī haiñ zindagī ke liye

ki moḌ hote haiñ har raah har galī ke liye

na koī mere liye hai na maiñ kisī ke liye

bas ek lafz-e-nadāmat huuñ zindagī ke liye

vo titliyoñ tarah mujh se aur duur huā

baḌhāyā jis taraf haath dostī ke liye

ye uzv uzv mirā pyaas se sulagtā hai

mujhe lahū zarūrat hai tishnagī ke liye

ab is se baḌh ke mirā imtihān kyā hogā

maiñ zahr ke jiyā huuñ tirī ḳhushī ke liye

jo ho sake to ḳhud ashkoñ ko poñchh lo 'ibrat'

kisī ke paas kahāñ vaqt dil-dahī ke liye

Top Urdushayar.com