aayā huuñ sañg o ḳhisht ke ambār dekh kar
ḳhauf aa rahā hai sāya-e-dīvār dekh kar
āñkheñ khulī rahī haiñ mirī intizār meñ
aa.e na ḳhvāb dīda-e-bedār dekh kar
ġham kī dukān khol ke baiThā huā thā maiñ
aañsū nikal paḌe haiñ ḳharīdār dekh kar
kyā ilm thā phisalne lageñge mire qadam
maiñ to chalā thā raah ko hamvār dekh kar
har koī pārsā.ī kī umda misāl thā
dil ḳhush huā hai ek gunahgār dekh kar