āsmāñ sāhil samundar aur maiñ

khultā phir yādoñ kā daftar aur maiñ

chaar samteñ ā.īna sī har taraf

tum ko kho dene kā manzar aur maiñ

merā ujlā-pan na.e andāz meñ

terī baḳhshish mailī chādar aur maiñ

ek mūrat meñ tajrabe nit-na.e

kitne be-kal merā aazar aur maiñ

khulte haiñ asrār ajab ālām meñ

band hotā vo har ik dar aur maiñ

raat ik tārīk piñjrā yaas kā

phaḌphaḌātā ek paikar aur maiñ