jab zarā raat huī aur mah o anjum aa.e
bār-hā dil ne ye mahsūs kiyā tum aa.e
aise iqrār meñ inkār ke sau pahlū haiñ
vo to kahiye ki laboñ pe na tabassum aa.e
na vo āvāz meñ ras hai na vo lahje meñ khanak
kaise kaliyoñ ko tirā tarz-e-takallum aa.e
bār-hā ye bhī huā anjuman-e-nāz se ham
sūrat-e-mauj uThe misl-e-talātum aa.e
ai mire vāda-shikan ek na aane se tire
dil ko bahkāne ka.ī talḳh tavahhum aa.e