Akhlaq Ahmad Ahan

jala ke dil ko rakha subh-o-sham roz-o-shab

Akhlaq Ahmad Ahan

Bagaha, Bihar, India

1974

jalā ke dil ko rakhā sub.h-o-shām roz-o-shab

mirā kamāl kamāl-e-charāġh hai ki nahīñ

rahā hai musht-e-turāb-e-azal mirā mamba.a

mirī ye ḳhāk-e-kamāl-e-ayāġh hai ki nahīñ

mujhe banāyā sarāpā savāl ab to batā

mirī talāsh kamāl-e-surāġh hai ki nahīñ

ġham-e-vajūd mātam karūñ to kaise jiyūñ

magar ḳhudā tire dāman pe daaġh hai ki nahīñ

jo kho gayā tirā 'āhan' sarāb-e-ḳhvāhish meñ

bhaTak na jaa.eñ kahīñ be-dimāġh hai ki nahīñ

Top Urdushayar.com