Khwaja Razi Haidar

waqt ajib aa gaya mansab-o-jah ke liye

Khwaja Razi Haidar

Karachi, Sindh, Pakistan

1946

vaqt ajiib aa gayā mansab-o-jāh ke liye

sāhib-e-dil bhī chal paḌe taḳht-o-kulāh ke liye

mire ġhanīm-e-surḳh-rū arsa-e-sad-shikast meñ

koī naved-e-sar-ḳhushī merī sipāh ke liye

us hadaf bhī dekhnā merī taraf bhī dekhnā

qatl-e-anā shart hai is se nibāh ke liye

mausam-e-gul ko kyā ḳhabar shorish-e-abr-o-bād meñ

tā.ir-e-dil udaas hai shāḳh-e-panāh ke liye

ek navā-e-ātishīñ halqa-ba-halqa jism meñ

phir huī hai tāza-dam taaza gunāh ke liye

kahtā thā koī sham.a-ruḳh dekh mire charāġh-e-shab

koī kiran bachā ke rakh roz-e-siyāh ke liye

ik shab-e-māh ke liye dil hai lahū lahū 'razī'

aañkh sitāra-kesh hai ik shab-e-māh ke liye

Top Urdushayar.com