āvāz de rahī hai ye kis kī nazar mujhe
shāyad mile kināra vahīñ Duub kar mujhe
chāhā tujhe to ḳhud se mohabbat sī ho ga.ī
khone ke baad mil ga.ī apnī ḳhabar mujhe
har har qadam pe saath huuñ saaya huuñ maiñ tirā
ai bevafā dikhā to zarā bhuul kar mujhe
duniyā ko bhuul kar tirī duniyā meñ aa gayā
le jā rahā hai kaun idhar se udhar mujhe
duniyā kā har nazāra nigāhoñ se chhīn le
kuchh dekhnā nahīñ hai tujhe dekh kar mujhe