Faiz Ahmad Faiz

sham-e-firaq ab na puchh aai aur aa ke Tal gai

Faiz Ahmad Faiz

Sialkot, Punjab, Pakistan

1911-1984

shām-e-firāq ab na pūchh aa.ī aur aa ke Tal ga.ī

dil thā ki phir bahal gayā jaañ thī ki phir sambhal ga.ī

bazm-e-ḳhayāl meñ tire husn sham.a jal ga.ī

dard chāñd bujh gayā hijr raat Dhal ga.ī

jab tujhe yaad kar liyā sub.h mahak mahak uThī

jab tirā ġham jagā liyā raat machal machal ga.ī

dil se to har mo.āmla kar ke chale the saaf ham

kahne meñ un ke sāmne baat badal badal ga.ī

āḳhir-e-shab ke ham-safar 'faiz' na jaane kyā hue

rah ga.ī kis jagah sabā sub.h kidhar nikal ga.ī

Top Urdushayar.com