ye mausam-e-gul garche tarab-ḳhez bahut hai
ahvāl-e-gul-o-lāla ġham-añgez bahut hai
ḳhush dāvat-e-yārāñ bhī hai yalġhār-e-adū bhī
kyā kījiye dil kā jo kam-āmez bahut hai
yuuñ pīr-e-muġhāñ sheḳh-e-haram se hue yak-jāñ
mai-ḳhāne meñ kam-zarfi-e-parhez bahut hai
ik gardan-e-maḳhlūq jo har haal meñ ḳham hai
ik bāzū-e-qātil hai ki ḳhūñ-rez bahut hai
kyuuñ mish.al-e-dil 'faiz' chhupāo tah-e-dāmāñ
bujh jā.egī yuuñ bhī ki havā tez bahut hai