ḳhuub nāseh kī nasīhat kā natīja niklā
ham ne ashkoñ ko sambhālā to kaleja niklā
tere rindoñ ko jalātī rahī sahrāoñ kī dhuup
kitnā be-faiz tirī zulfoñ kā saaya niklā
iid kā chāñd jo dekhā to tamannā lipTī
un se taqrīb-e-mulāqāt kā rishta niklā
haif ki phuul haiñ muhtāj-e-nasīm-o-shabnam
marhabā chiir ke patthar ko jo sabza niklā
aahaT aahaT pe gumāñ guzre hai vo aa pahuñche
dil-e-nādāñ ke bahalne kā tarīqa niklā
dāman-e-dost ne bosoñ se navāzā 'rahmat'
mujh se behtar mire ashkoñ kā nasība niklā