ye sach hai duniyā bahut hasīñ hai
magar mirī umr kī nahīñ hai
tirī jagah kaun le sakegā
tū merā pahlā tamāsh-bīñ hai
mujhī pe hai sochne kā zimma
use to har baat kā yaqīñ hai
bujhā hī rahtā hai dil hamārā
na jaane kis dhuup kā nagīñ hai
hai mujh pe ilzām-e-ḳhud-satā.ish
aur is meñ kuchh jhuuT bhī nahīñ hai
na rakh bahut hosh kī tavaqqo
ki ye mirā ishq-e-avvalīñ hai
ajab hai andāz-e-bandagī bhī
ki ham kahīñ aur saf kahīñ hai