Rahat Sarhadi

tera gham ashk ban kar aa gaya hai

Rahat Sarhadi

tirā ġham ashk ban kar aa gayā hai

ki phir aage samundar aa gayā hai

ba-zāhir ḳhushk-sālī hai gharoñ par

magar sailāb andar aa gayā hai

nayā paiġhām shīshe par likhūñgā

ki mere haath patthar aa gayā hai

sahārā kyā diyā girte makāñ ko

ki malba mere uupar aa gayā hai

yahāñ par bhī vahī sahrā hai 'rāhat'

maiñ samjhā thā mirā ghar aa gayā hai

Top Urdushayar.com