ḳhvāboñ ko jāgīr banānā bhuul ga.e
is pe sitam ta.abīr banānā bhuul ga.e
pyaar ke zahr ko chakh lene ke ba.ad khulā
ham us ko iksīr banānā bhuul ga.e
chhoḌ gayā vo jis pal ham ko tab jaanā
chāhat ko zanjīr banānā bhuul ga.e
ek duā kī sūrat tum ko chāhā thā
aur is meñ tāsīr banānā bhuul ga.e
tum ko palkoñ beach chhupānā hasrat thī
tum ko palkoñ beach chhupānā bhuul ga.e
naam tumhārā haath pe likhnā yaad rahā
ham is ko taqdīr banānā bhuul ga.e