ham jāhil nākāra log
ham par kareñ ijārā log
ham haiñ raakh umīdoñ kī
vo haiñ chāñd sitārā log
kis kī baat sune koī
bol rahe haiñ bārah log
Duub rahe the sab ke sab
bhūle aas kinārā log
dil se mil kar rahte haiñ
ek hī ghar meñ bārah log
bhā.ī-chāra ḳhatm huā
ho ga.e paarā paarā log
lahja kis ne talḳh kiyā
chīḳhā aur pukārā log
ham tum hoñ is duniyā meñ
ham ko nahīñ gavārā log
sāloñ baad hue yakjā
aa ga.e beach dobāra log