kal tak us kī vo mehrbānī thī
aaj dekhā to sargirānī thī
kiyā ġhamgīn us ne ham ko nit
jis ke milne kī shādmānī thī
go ba-zāhir vo ġhair se thā do-chār
ham se bhī dostī nibhānī thī
jal-bujhe tab khulā patañgoñ par
sham.a aur dostī zabānī thī
aa gayā rahm us ke dil meñ aah
ham ne yuuñ apnī marg Thānī thī
so gayā sunte hī vo ġham kī mire
sarguzisht us ke ta.iiñ kahānī thī
na 'jahāñdār' jaane thā ai 'mīr'
dostī mudda.ī-e-jānī thī