abhī samjhā.eñ kyā tum ko abhī tum ishq meñ ho
abhī to bas duā.eñ lo abhī tum ishq meñ ho
bhale apne hī ghar jaanā hai par bhūloge rasta
kisī ko saath meñ rakkho abhī tum ishq meñ ho
nahīñ mānegā koī bhī burā bilkul zarā bhī
abhī tum chāhe jo kah do abhī tum ishq ho
koī samjhā-bujhā ke raah par phir le na aa.e
kisī ke paas mat baiTho abhī tum ishq meñ ho
tumhāre haath meñ jaltī rahe cigarette musalsal
kaleje ko zarā phūñko abhī tum ishq meñ ho
vo parsoñ bhī nahīñ aayā nahīñ aayā vo kal bhī
gino mat rāsta dekho abhī tum ishq meñ ho