dil kī lagī se iksīr honā
ik haath chāñdī ik haath sonā
lutf to jab hai vo ḳhud navāze
kahā bahtī gañgā meñ haath dhonā
phir be-ruḳhī hai aur aarzī hai
kufr sarāsar māyūs honā
baiThnā uThnā nazm-o-adab se
ain ibādat hai un kā honā
ishq kā maslak sāf-dilī hai
rasm-e-numā.ish dāman ko dhonā
anjuman-ārā.iyoñ ke liye ab
farz nahīñ hai un kā bhī honā
'mānī' ko bai.at hai ik sanam se
kajlā.ī āñkheñ rañg salonā