vā.e-taqdīr kyā ye alamiya nahīñ
sab haiñ apne magar koī apnā nahīñ
dīda-o-dil ki sunsān sahrā hue
dil meñ jazba to āñkhoñ meñ sapnā nahīñ
ishq ko tark karne meñ diqqat na thī
ishq ko mashġhala ham ne samjhā nahīñ
ab ke mujh se milā vo to aisā lagā
vo hī chehra hai lekin vo chehra nahīñ
phuñk rahā hai badan kunj-e-tanhā.ī meñ
sar pe chhat hai magar maañ kā saaya nahīñ
merī nazroñ meñ duniyā bhī uqbā bhī hai
aadmī huuñ maiñ 'at.har' farishta nahīñ