niyyat ho agar nek to detā hai ḳhudā bhī

karte haiñ amal log to miltā hai sila bhī

bātin kī harārat se phuñke jaate haiñ tan-man

purvā.ī bhī chaltī hai barastī hai ghaTā bhī

chhū kar nahīñ guzrī hai tirī zulf-e-muattar

is baar to mahrūm chalī aa.ī sabā bhī

ik tum ho ki bichhḌe to bichhaḌ hī ga.e ham se

milte haiñ bahut log to hote haiñ judā bhī

ādāb-e-mohabbat the ki dāman nahīñ chhoḌā

tum duur na the duur na the band-e-qabā bhī

kis yaas ke aalam meñ hoñ kyā jāniye 'at.har'

muddat huī aa.ī nahīñ hoñToñ pe duā bhī