sau tarah kā chhoḌ kar ārām tere vāste
kū-ba-kū phirtā huuñ ai ḳhud-kām tere vāste
ishq ne tere mujhe is rañg ko pahuñchā diyā
muñh se har ik ke sunā dushnām tere vāste
mahr ke mānind khātā charḳh phirtā huuñ ḳharāb
sub.h se ai mah-jabīñ tā-shām tere vāste
ġhuncha o gul le rahe haiñ sāqiyā majlis haiñ chal
shīshe mere vāste aur jaam tere vāste
aa banī hai ab 'nisār'-e-nā-tavāñ kī jaan par
dekhnā Tuk ai dil-e-nākām tere vāste