hai jo siina meñ jagah lahke hai añgārā sā
dil jo pahlū meñ hai betāb hai vo paarā sā
aañkh lagtī hai koī pal to hameñ haañ us kā
ālam-e-ḳhvāb meñ ho jaa.e hai nazzārā sā
dil hai us sozan-e-mizhgāñ se mushabbak merā
chhūTne kyuuñ lage ḳhuun kā favvārā sā
dil kahīñ diida kahīñ jī hai kahīñ jaan kahīñ
gardish-e-charḳh meñ har ek hai āvārā sā
sīna-kūbāñ tire kūcha se rah jaatā hai 'nisār'
sub.h se sunte haiñ ham coach kā naqqārā sā