Ehsan Jafri

zindagi ek aag hai wo aag jalna chahiye

Ehsan Jafri

Burhanpur, Madhya Pradesh, India

1929-2002

zindagī ik aag hai vo aag jalnā chāhiye

be-hisī ik barf hai is ko pighalnā chāhiye

maut bhī hai zindagī aur maut se Darnā fuzūl

maut se āñkheñ milā kar muskurānā chāhiye

valvale tūfān-o-āñdhī barq-o-bārāñ zalzale

in na.e sāñchoñ meñ ham ko aaj Dhalnā chāhiye

bhuuk bekārī ke shikve un se karnā hai fuzūl

un ke aage taan kar siina nikalnā chāhiye

ne diyā hai aur na deñge ye masā.ib javāb

ab hameñ taqdīr apnī ḳhud badalnā chāhiye

ho galī kūche meñ charchā baat ye kaafī nahīñ

dushmanoñ ke paañv dhartī dahalnā chāhiye

Top Urdushayar.com