in hasīnoñ kī mohabbat kā bharosā kyā hai
koī mar jaa.e balā se inheñ parvā kyā hai
yaad aatā hai shab-e-vasl kisī kā kahnā
ḳhair hai ḳhair se is vaqt irādā kyā hai
vo ayādat ko mirī ā.eñge aise hī to haiñ
nāma-bar vāqa.ī sach kahtā hai baktā kyā hai
dushman-e-mehr daġhābāz sitamgar qātil
jānte bhī ho zamāna tumheñ kahtā kyā hai
uTh ga.e hazrat-e-'mahmūd' zamāne se 'rashīd'
na ho ustād to phir lutf ġhazal kā kyā hai