malbūs jab havā ne badan se churā liye
doshīzgān-e-sub.h ne chehre chhupā liye
ham ne to apne jism pe zaḳhmoñ ke ā.īne
har hādse kī yaad samajh ke sajā liye
mīzān-e-adl terā jhukāo hai jis taraf
us samt se diloñ ne baḌe zaḳhm khā liye
dīvār kyā girī mire ḳhasta makān kī
logoñ ne mere sehn meñ raste banā liye
logoñ kī chādaroñ pe banātī rahī vo phuul
paivand us ne apnī qabā meñ sajā liye
har marhale ke dosh pe tarkash ko dekh kar
maaoñ ne apnī god meñ bachche chhupā liye