shikan-ālūd hai peshānī-e-doshīza-e-ḳhuld
nigah-e-rizvāñ ba-dāmānī-e-doshīza-e-ḳhuld
bast-e-nukta piye kam-bīnī-e-chashm-e-āshiq
vus.at-e-ālam-e-hairanī-e-doshīza-e-ḳhuld
na huā hāsil-e-dushvārī-e-kār-e-farhād
ġhulġhula-hā-e-pashemānī-e-doshīza-e-ḳhuld
jāda-e-rāh-e-muzāfāt-e-suḳhan-hā-e-darūñ
haiñ muzayyan ba-gul-afshānī-e-doshīza-e-ḳhuld
vo sar-e-bazm ba-āhañg-e-sitār-o-barbat
haa.e andāz-e-ġhazal-ḳhvānī-e-doshīza-e-ḳhuld
ham haiñ zindānī-e-zindān-e-taḳhayyul 'hādis'
na ki mushtāq-e-tanāsānī-e-doshīza-e-ḳhuld