Manzoor Hashmi

rasta samundar ka jab ruka hua paya

Manzoor Hashmi

Badayun, Uttar pradesh, India

1935-2008

rāsta samundar jab rukā huā paayā

aur bhī kināroñ ko kāTtā huā paayā

der tak hinsā thā maiñ dostoñ mahfil meñ

lauT kar na jaane kyuuñ dil dukhā huā paayā

dhuup ne TaTolā jab munjamid chaTānoñ ko

barf ke tale laavā khaultā huā paayā

sochiye kaheñge kyā log aise mausam ko

jis meñ sabz shāḳhoñ ko sūkhtā huā paayā

mere vāste shāyad ḳhat meñ thā vahī jumla

tez raushnā.ī se jo kaTā huā paayā

niiñd parī āḳhir ho ga.ī ḳhafā ham se

aur koī āñkhoñ meñ jab chhupā huā paayā

Top Urdushayar.com