Majrooh Sultanpuri

su-e-maqtal ki pae sair-e-chaman jate hain

Majrooh Sultanpuri

Sultanpur, Uttar pradesh, India

1919-2000

sū-e-maqtal ki pa.e sair-e-chaman jaate haiñ

ahl-e-dil jām-ba-kaf sar-ba-kafan jaate haiñ

aa ga.ī fasl-e-junūñ kuchh to karo dīvāno

abr sahrā taraf sāya-fagan jaate haiñ

us ko dekhā nahīñ tum ne ki yahī kūcha o raah

shāḳh-e-gul shoḳhi-e-raftār se ban jaate haiñ

vo agar baat na pūchhe to kareñ kyā ham bhī

aap rūThte haiñ aap man jaate haiñ

bulbulo apnī navā faiz hai un āñkhoñ

jin se ham sīkhne andāz-e-suḳhan jaate haiñ

jo Thahartī to zarā chalte sabā ke hamrāh

yuuñ bhī ham roz kahāñ sū-e-chaman jaate haiñ

luT gayā qāfila-e-ahl-e-junūñ bhī shāyad

log hāthoñ meñ liye tār-e-rasan jaate haiñ

rok saktā hameñ zindān-e-balā kyā 'majrūh'

ham to āvāz haiñ dīvār se chhan jaate haiñ

Top Urdushayar.com