Majrooh Sultanpuri

ye ruke ruke se aansu ye dabi dabi si aahen

Majrooh Sultanpuri

Sultanpur, Uttar pradesh, India

1919-2000
ye ruke ruke se aañsū ye dabī dabī sī aaheñ
yūñhī kab talak ḳhudāyā ġham-e-zindagī nibāheñ
kahīñ zulmatoñ meñ ghir kar hai talāsh-e-dasht-e-rahbar
kahīñ jagmagā uThī haiñ mire naqsh-e-pā se rāheñ
tire ḳhānumāñ-ḳharāboñ kā chaman koī na sahrā
ye jahāñ bhī baiTh jaa.eñ vahīñ in kī bārgāheñ
kabhī jāda-e-talab se jo phirā huuñ dil-shikasta
tirī aarzū ne hañs kar vahīñ Daal dī haiñ bāñheñ
mire ahd meñ nahīñ hai ye nishān-e-sar-bulandī
ye rañge hue amāme ye jhukī jhukī kulāheñ
Top Urdushayar.com