mire andar kahīñ par kho ga.ī hai
mohabbat ḳhaak meñ luthḌī huī hai
maiñ zaḳhmī dil liye kab tak phiruñgā
tirī ḳhvāhish to kab kī mar chukī hai
mirī āñkhoñ meñ haiñ aañsū abhī tak
kalī ik mez par ab tak dharī hai
tire ġham ko sameTā jab to dekhā
udāsī sahn meñ bikhrī paḌī hai
tirā saaya mujhe lipTā huā hai
to phir tū fāsle par kyuuñ khaḌī hai
lakīreñ hijr kā dukh ro paḌīñ yā
tumhāre haath meñ mehñdī rachī hai