naala karnā ki aah karnā
dil meñ 'asar' us ke raah karnā
kuchh ḳhuub nahīñ ye terī bāteñ
har-chand mujhe nibāh karnā
terā vo jaur ye mirā sabr
insāf se Tuk nigāh karnā
kyā lutf hai le ke dil mukarnā
aur ulTe mujhe gavāh karnā
rahmat ke huzūr be-gunāhī
mat shaiḳh ko rū-siyāh karnā
jī ab ke bachā ḳhudā ḳhudā kar
phir aur butoñ kī chaah karnā
kyā kahiye 'asar' to aap Tuk dekh
yuuñ haal apnā tabāh karnā