thī ham ne pyaar meñ har baat maanī kyā karte
hameñ hī kahte rahe vo divānī kyā karte
kal us ke hijr kī dīvār toḌ dī ham ne
na.e zamāne meñ yādeñ purānī kyā karte
tumhāre saath hī kirdār thā hamārā bhī
jo tum ga.e to ham aage kahānī kyā karte
yūñhī uThā ke buḌhāpe ko sauñp dī ham ne
tumhāre baad bharī ye javānī kyā karte
nigal liyā vo nagīna ba-vaqt-e-ruḳhsatī hī
tumhāre naam kī thī jo nishānī kyā karte
'diyā' ye aañkh to ik ḳhvāb se hī bhar aa.ī
tumhāre naam pe ham zindagānī kyā karte