Asif Raza

sahil-e-intizar mein tanha

Asif Raza

sāhil-e-intizār meñ tanhā

yaad vo lahar lahar aa.e mujhe

dasht-e-dīvāngī ke Tīloñ par

raqs kartī havā bulā.e mujhe

ajnabī mujh se aa gale mil le

aaj ik dost yaad aa.e mujhe

bhuul baiThā huuñ maiñ zamāne ko

ab zamāna bhī bhuul jaa.e mujhe

ik gharauñdā huuñ ret paiham

koī Dhaa.e mujhe banā.e mujhe

ek harf-e-ġhalat huuñ hastī

nestī kyuuñ na phir miTā.e mujhe

daf.atan mere rū-ba-rū aa kar

aa.ine meñ koī Darā.e mujhe

āñdhiyāñ kyuuñ mirī talāsh meñ hoñ

ek jhoñkā jab bujhā.e mujhe

jaise ik naqsh-e-nā-durust ko tifl

koī andar se yuuñ miTā.e mujhe

raakh apnī umañg huuñ 'razā'

aa ke jhoñkā koī uḌaa.e mujhe

Top Urdushayar.com